HORTUS e CASALIS en periferia de Gasconha. Es designacions deth jardin potager en occitan dera Val d’Aran

Es designacions occitanes deth jardin potager qu’an hèt er objècte d’un article indefugible de Ravier en 1989, que se servic des cartes de mès d’un atlàs lingüistic que va de Gasconha enquia Provença. Mentre que nombrosi parlars utilizen òrt (< hortu) o eth francisme jardin, en Gasconha qu’ei casalis que s’ei imposat, ath punt que casau se pòt enténer deth Medoc denquias Pirenèus. Quin que sigue, en çò que concernís er aranés, es informacions sus eth nòm deth potager que son contradictòries. Ara ajuda des onades obtengudes dempús de 1998 peth mejan d’enquèstes dialectologiques, era nòsta tòca qu’ei d’establir de manèra precisa, vilatge per vilatge, es formes en usatge en gascon parlat en Catalonha. Que mos vam a interessar, tant que i èm, sus un hèt de fonetica que non s’arretròbe enlòc mès en Gasconha.