Skënderbeu në krijime letrare të viteve ’20-’40 të shek. XX

Gjergj Kastrioti – Skënderbeu është figura historike më frymëzuese për shqiptarët, në periudha të ndryshme historike dhe një rol mjaft të rëndësishëm në këtë aspekt ka luajtur krijimtaria letrare. Krahas pranisë së vazhdueshme të kohës së Skënderbeut, të frymës së epokës së tij në gjithë letërsinë arbëreshe, po t’i referohesh periudhës nga fundi i shek. 19 deri në 1944, veprat e njohura, Histori e Skënderbeut1 e N. Frashërit Burri i dheut2 i Çajupit, që vënë në qendër heroin, janë trajtuar në mënyrë të vijueshme në studimet tona. Në këtë paraqitje do të përqendrohemi në mënyrë të veçantë në vepra pak ose aspak të studiuara, siç janë: poemthi dramatik Kushtrimi i Skanderbeut3 i Ernest Koliqit, drama Trathëtia4 e Mehdi Frashërit, romanet Kthimi i Skënderbeut5 i Llambi Dardhës dhe I funtmi i Kastriotëve6 i Andon Frashërit.