Uşaqlıq cismi neoplazmlarının histokimyəvi tədqiqatı

Müxtəlif lokalizasiyalı neolazmaların  histokimyəvi analizi, şişlərin histogenezi, differensiasiya dərəcəsi və  kliniki gedişindən asılı olaraq histokimyəvi əlamətlərin artıb azaldığını müəyyən etmişdir. Şişlərin histokimyəvi heterogenliyi praktiki onkologiyada şişlərin diaqnostikası, histogenezinin müəyyənləşdirilməsi və  proqnozunun təyini baxımından çox vacibdir. Ədəbiyyat məlumatlarına əsasən adenokarsinomaların əksər hüceyrələrində, əsasən də prostat vəzin adenokarsinomalarında – turş fosfataza müsbət reaksiya verir.