Etanolun xroniki qəbulu zamanı ağ erkək siçovullarda beyninin müxtəlif strukturlarında LPO-nun dəyişmə intensivliyinə meksidolun təsiri

Etanolun xroniki qəbulu zamanı orqanizmin hüceyrə və toxumalarında, onların əsas komponentlərində baş verən dəyişikliklərin aşkar olunmasına xüsusi diqqət yetirilməsi mühüm əhəmiyyət daşıyır. Əgər hüceyrənin fiziki-kimyəvi parametrləri etanolun xroniki təsirinə davamlılığını təmin etmirsə, onda həmin fiziki-kimyəvi parametrləri stabil saxlamağa kömək edən maddələrin, əsasən antioksidantların orqanizmə yeridilməsi etanolun xroniki təsirindən əmələ gələn patoloji prosesləri lazımi istiqamətə dəyişməyə imkan yaradar.