Аспекти на придавската секундарна предикација во македонскиот јазик

Во трудот се посочуваат основните карактеристики на придавската секун­дар­на пре­­дикација во македонскиот јазик. Проблемот се разгледува, пред сѐ, од семан­­­­тички и од синтаксички аспект, но и на планот на информаци­с­ката струк­тура. Се изделуваат основните значења на придавките во таа фун­кција, врс­ката меѓу нивниот карактер од аспект на тематско-рематската струк­тура и позицијата во исказот и причините за нивната интегрираност или не­ин­тег­­ри­ра­ност во прозодиската структурa. Во таа смисла, се посочува кога вле­гуваат во релација што е само временски паралелна со примарната преди­ка­­ција, од една страна, и со дополнителна, каузална нијанса, од друга; во кои случаи се јаву­ваат во информациското јадро или надвор од него во зоната десно или лево од предикатот; какви импликации има нивниот информациски карак­­тер во поглед на позицијата; како се одразува разликата помеѓу депик­тив­­ните секун­дарни предикати и придавските елементи што изразуваат по­дол­готрајни  карактеристики. Примерите се ексцерпирани од неколку кни­жевни дела.