Ekonomia sozialaren analisia lurralde ikuspegitik: Euskal Herrian, Espainian, Frantzian zein Europan

Abstract

Ekonomia sozialak azken 40 urtetan sendotze prozesu bat bizi izan du, eta hau neurri handi batean sektorea figura juridiko konkretuekin identifikatzetik dator. Sektorea modu horretan definitzeak erraztu egiten du berau ikusgarri egitea. Bide horretatik, Euskal Herrian, Espainian, Frantzian zein Europa mailan ekonomia sozialaren kontzeptua nahiko finkatua dago, eta finkapen horretan eragin zuzena eduki dute maila anitzetan garatzen joan diren erakunde ordezkari, ebazpen instituzional, ikerlan eta lege garapenek.