Oñatiko baso-landaredi paisaien inbentariazioa, karakterizazioa eta balorazio biogeografikoa

Abstract

Jarraian aurkezten den ikerlanak, Oñatiko baso natural eta zuhaitz landaketek osatzen dituzten paisaien inbentarioa, karakterizazioa eta balorazio biogeografikoa egitea du helburu, udalerrian kontserbazio lehentasuna duten baso eta landaketak identifikatuaz. Horretarako, LANBIOEVA (Landscape Biogeographical Evaluation) metodologia Oñatiko baso natural eta zuhaitz landaketa ezberdinei aplikatu zaie. Lan hau hutsetik hasi beharrean, 25 urte baino gehiagoko ikerketa ildo sendo baten barruan kokatzen da. Europa nahiz Amerikako lurralde ezberdinetan aplikatua izan da metodologia hau eta bere emaitzak hainbat ikerlanetan argitaratua izateaz gain, liburu, artikulu zientifiko, komunikazio eta ponentzia anitzetan ere zabaldu dira. Oñatin, haritz kandudun (Quercus robur) eta haritz kandugabeen (Quercus petraea) basoak izan dira kontserbazio lehentasun handiena eskuratu dituzten eremuak, izan ere, interes natural oso altua izateaz gain, eremu mehatxatuetan aurkitzen dira.