Gaur egungo espainiako unibertsitateen geografia saileetako ikerketa-gaiak : JCR-eko Geography arloko aldizkarietan argitaratu diren artikuluen gaien azterketa (2010-2016)

Abstract

Espainiako unibertsitateen Geografia Sailen egungo ikerketa-gaiak aztertu dira. Horretarako, Journal Citation Reports-JCR datu-baseko Geography arloan dauden aldizkarien 477 artikuluak, 2010-2016 epean argitaratuak eta espainiako ikertzaileak egindakoak, analizatu dira. Ikerketa-gai sailkapen sistema bat eratu da. Artikuluen gai nagusienak, ordenan jarrita, hirigintza, ingurumena, demografia, ekonomia, paisaia, ura, turismoa, lurralde antolakuntza eta kartografia izan dira. Deigarria da lurralde antolamendua gaia artikulu kopuru erlatiboki baxua daukala, seguruenik zaila delako ikuspegi-integratu batetik egindako lurralde-ikerketak JCR-ko aldizkarietan argitaratzea, lurralde-gai espezializatuak lehenesten direlako. Lortutako emaitzen inplikazioak zientzia Geografiko garapenerako eztabaidatzen dira.