Vështrime demografike, ekonomike dhe të komunikacionit në Kosovë gjatë gjysmës së parë të vitit 1914

Abstract

Pushtimi dhe aneksimi i Kosovës nga Mbretëria e Serbisë dhe e Malit të Zi, më 1912-1913, veç tjerash u ndje edhe në strukturën demografike, në fushën ekonomike dhe të komunikacionit. Qenësia e strukturës demografike, zhvillimi dhe stabiliteti ekonomik në Kosovë u tronditën, sepse ruajtja e bërthamës etnike e përparimi ekonomik vareshin veçanërisht nga rrethanat politike dhe qëndrimi i Qeverisë e administratës serbo-malazeze ndaj shqiptarëve. Në fillim të vitit 1914, Mbretëria e Serbisë dhe pjesërisht ajo e Malit të Zi, nisën zbatimin e projekteve demografike, ekonomike dhe të komunikacionit në Kosovë e më gjerë, që i përshtateshin interesave politike.