Akademik Zef MIRDITA (1936–2016)

Abstract

Më 4 prill të vitit 2016, në moshën 80 vjeçare, në Zagreb u nda nga jeta, profesori, studiuesi, historiani dhe dardanologu i shquar Akademik Zef Mirdita, jeta dhe vepra e të cilit për vite të tëra ishte e lidhur me Universitetin e Prishtinës dhe atë të Kroacisë. Në të dyja fushat e aktiviteteve të tij, në kërkime shkencore dhe mësimdhënie, ka arritur rezultate të jashtëzakonshme dhe ka lënë gjurmë të thella, që do ti qëndrojnë gjithmonë. Pothuajse e tërë jeta e tij dhe puna shkencore ishte e lidhur, që nga rinia e deri në vdekje, në mes Kosovës dhe Kroacisë.