Dukuri të ndërgjuhës tek shqipfolësi me italishten si gjuhë të dytë

Abstract

Globalizimi i shoqërisë dhe prania e shumë kulturave, shpejtësia dhe intensiteti i informacionit që karakterizon kohën në të cilën jetojmë, janë një sfidë jo vetëm për institucionet arsimore, por edhe për anëtarët e një shoqërie të caktuar. Tradicionalisht, gjuha është studiuar si në aspektin metalinguistik, ashtu dhe nisur nga marrëdhëniet e gjuhës me faktorë jashtëgjuhësorë, si: aspekti social, etnologjik, psikologjik etj. Gjuha është një udhërrëfyes drejt realitetit gjuhësor, ajo kushtëzon fuqimisht të gjithë mendimin tonë për problemet dhe proceset shoqërore, duke vulosur një formë të veçantë të substancës së botës në të cilën flitet.