Vulqar sızanaqlardan sonrakı post-akne ləkələrin müasir lazer üsullari ilə korreksiyası

Abstract

Vulqar sızanaqlar və ya gənclik sızanaqları gənclər arasında geniş yayılmış  dövrümüzün aktual problemlərindən biridir. Bu xəstəlik  17-38 yaş qrupu arasında 75,0-85,0% tezliklə rast gəlinir. Problemin aktuallığı onun müalicəsinə olan yanaşmalara yeni baxış tələb edir. Sızanaqlar hal-hazırda yerli və sistemik antibakterial preparatlarla, eyni zamanda ağır formaları sistemik retinoidlərlə uğurla müalicə edilir. Lakin sızanaqlar sağaldıqdan sonra yerində qalan ləkə və qızarıqlıqlar dermatoloqları yeni və müasir korreksiya üsullarını nəzərdən keçirməyə təşviq edir.