Clássicos da Literatura Infantojuvenil em Forma(to) de Livro-Objeto

Abstract

Os libros son comunmente valorados polas ideas que conteñen e non pola súa materialidade, pero que pasaría se ambas traballasen conxuntamente para retroalimentarse? Este tipo de cruzamentos entre o material, o visual e o textual é precisamente o que propón o libro-obxecto, elemento central do monográico Clássicos da Literatura Infantojuvenil em Forma(to) de LivroObjeto, coordinado pola profesora Sara Reis da Silva, no que non só se procura o cruzamento intermedial, senón tamén o cruzamento entre os clásicos da literatura e as súas reescrituras. A presentación elaborada pola coordinadora do volume inaugura o monográico, inserido no ámbito dos Estudos da Criança do Instituto de Educação da Universidade do Minho. Nela explícase que a obra é o resultado da colaboración de investigadoras pertencentes a diferentes universidades de Portugal, España e Brasil. O monográico contén trece estudos que xiran arredor do libro-obxecto, unha amalgama de rexistros de carácter artístico, literario e visual que combinados crean un libro híbrido e multimedia no que se tratan obras e autores dos clásicos universais da literatura desde unha perspectiva revisionista, experimental e orixinal. Tal e como explica Reis da Silva, as obras de referencia que integran cada un dos capítulos están orientadas a un amplo lectorado, desde as crianzas máis cativas ata a mocidade. Tras facer unha breve descrición da estrutura e presentar cada un dos temas de cada capítulo, a profesora subliña a extensa potencialidade deste tipo de creacións a nivel lúdico, educativo e didáctico. Os apartados que compoñen o monográico principian coa presentación inicial xa mencionada, seguida dos trece traballos –todos eles exempliicando a pertinente bibliograía empregada– e rematan cunhas páxinas dedicadas á traxectoria de cada unha das autoras a modo de “Bionotas”. Co primeiro traballo, “Coração, pano e voz: relexões sobre a matérica de certos destinos dos clássicos recriados”, Cláudia Sousa Pereira ensínanos a utilizar libros-obxecto como apoio narrativo para a creación de performances a modo de playlist que permiten ao lectorado xuvenil adquirir conciencia e responsabilidade. Trátase dunha proposta contextualizada na LIX en Portugal de carácter vangardista, como ben explica a autora. O seu enclave reside nos estudos literarios e ten por