Acinetobacter cinsli mikroorqanizmlərin identifikasiyası və antibiotiklərə həssaslığının təyini

Abstract

Dünya Səhiyyə Təşkilatının verdiyi məlumatlara əsasən ESCAPE qrupunun nümayəndəsi olan Acinetobacter cinsi xəstəxanadaxili törədicilər arasında ilk yerləri tutmaqdadır. Müalicədə uzun illər ilkin seçim qrupunu karbapenemlər təşkil etmişdir. Təəssüflər olsun ki, Acinetobacter cinsinin nümayəndələri arasında karbapenemlərə qarşı davamlılıq sürətlə artmaqdadır. Tədqiqatın məqsədi Tibb Universitetinin Klinikalarına və Mərkəzi Hərbi Klinik Hospitala müraciət edən xəstələrdən izolə edilən Acinetobacter cinsinin rast gəlmə tezliyini təyin etmək və antibiotiklərə həssaslıq profilini araşdırmaqdır.