Şəkərli diabet və metabolik sindrom zamanı baş verən ürək patologiyalarında apoptoz göstəricilərinin təyini

Abstract

Müasir  dövrümüzdə iqtisadi cəhətdən  inkişaf etmiş ölkələrdə şəkərli diabet və metabolik sindromdan əziyyət çəkən insanların sayı durmadan artır. Belə ki, ARİC (Atherosclerosis Risk in Communites Study) tərəfindən  verilən məlumatlara əsasən kişilər və qadınlar arasında bu patologiyanın yayılması, müvafiq olaraq, 23-24% təşkil edir. 25-45 yaş arasında olan qrupda isə 35-53,5% təşkil edir. Klinikbiokimyəvi tədqiqatlar göstərir ki, metabolik sindrom zamanı  ürək-damar xəstəliklərinin, o cümlədən, miokard infarktı, insult və xronik ürək çatışmazlığı kimi  xəstəliklərin in­kişaf riski çox yüksəkdir.