Sfidat e trajtimit të fëmijëve në stomatologjinë pediatrike

Abstract

Stomatologjia në vetvete është një degë e vështirë e mjekësisë, pasi përkushtimi dhe saktësia që kërkohet nga mjeku stomatolog është shumë më i lartë se në shumë drejtime tjera të mjekësisë [1]. Ajo që punën e stomatologut e bënë të vështirë është fusha relativisht e vogël e punës, gjë që e bënë të vështirë trajtimin e një pacienti fëmijë. Puna me pacientë të rritur është më e lehtë, para së gjithash, e kupton rëndësinë e bashkëpunimit me mjekun dhe rëndësinë e intervenimit, ndërsa fëmijët nuk janë në gjendje të kuptojnë rëndësinë e trajtimit. Edhe pse stomatologjia e fëmijëve (pedodoncia) është formë e specializimit stomatologjik sikurse edhe fushat e tjera stomatolgojike, megjithatë, ka veçoritë e saja, siç janë saktësia, kujdesi, stabiliteti, qëndrueshmëria dhe fokusi i jashtëzakonshëm i pedodontit gjatë trajtimit të fëmijëve [2]. Puna me fëmijë kërkon shumë durim, përpjekje, angazhim fizik e psikik, si dhe kohë, e cila në shikim të parë duket e padobishme por, që në të vërtetë, është shumë e nevojshme.