Bədən kütləsi indeksinin konstitusional-tipoloji xüsusiyyətləri qida statusunun ən mühüm səciyyələndiricisi kimi

Abstract

Tədqiqatın məqsədi. Tədqiqat işinin məqsədini 16-20 yaşlı qızlarda boy-çəki göstəricilərinin və BKİ-nin konstitusional-tipoloji xüsusiyyətlərinin təyini təşkil edir.. Material və metodlar.  Antropometriya və bioimpedansometriya üsulları ilə Azərbaycan milliyyətindən olan 755 nəfər 16-20 yaşlı qızlar tədqiq olunubdur ki, onlardan da 329 nəfərini 16-17, 426 nəfərini isə 18-20 yaşlı qızlar təşkil edibdir. Nəticələr. Əldə edilən dəlillərə görə müayinə olunan 16-17 yaşlı qızlar arasında 74 nəfər – leptosom, 99 nəfər – mezosom, 126 nəfər – meqalosom, 30 nəfər – qeyri-müəyyən konstitusiya tipinə aid edilib. 18-20 yaşlı qızların nümayəndələrində isə leptosom konstitusiya tipini – 78, mezosomu – 160, meqalosomu – 140, qeyri-müəyyən konstitusiya tipini – 140 nəfər təşkil edib. BKİ-nin somatotiplikdən və yaşdan asılı olaraq təhlili çox ciddi fərdi və somatotipoloji variasiya göstəricilərinin olmasını aşkar etdi. Beləliklə, müəyyən olundu ki, digər müəlliflərin qeyd etdikləri kimi Azərbaycan milliyyətindən olan qızlarda da normada BKİ-nin qiyməti, yüksək dərəcədə, birbaşa qızların bədən kütləsi tipindən asılıdır; ona görə də BKİ-yə somatotipoloji qiymətləndirmə aparılmadan baxılması dürüst hesab edilə bilməz.