CONFECTIONERY PRODUCTS OF HIGH NUTRITIONAL VALUE PREPARED WITH THE ADDITION OF APPLE CAKE

Бұл зерттеудің мақсаты – дайын өнімнің тағамдық құндылығын арттыру үшін кептірілген алма күнжарасы көмегімен кондитерлік өнімдердің жаңа түрлерін жасау. Халықтың көпшілігінде ағзада қажетті макро- және микро элементтердің, сондай-ақ дәрумендердің концентрациясы төмендейді. Осыған байланысты жергілікті өсімдік шикізатын пайдалана отырып, кондитерлік өнімдерді әзірлеу бойынша кешенді зерттеулер жүргізу өзекті болып табылады. Кептірілген алма күнжарасының әр түрлі мөлшерімен кекс рецепті жасалған болатын. Алма күнжарасы өнімге 8, 10, 12, 14 және 16% мөлшерінде қосылды. Дайын өнімдер сапаның негізгі көрсеткіштері бойынша зерттелді. Органолептикалық және физикалық-химиялық, сондай-ақ дәмдік бағалау нәтижелері бойынша алма күнжарасы дозасы 14% болатын кекс ең жақсы үлгі болып таңдалады. Тағамдық құндылықты есептеу көрсеткендей, әзірленген өнімде В1 және РР дәрумендерінің мөлшері артады; минералды заттар: К, Mg, P, Ca, Na, ақуыз, сондай ақ асқазан-ішек жолдарының жұмысын жақсартуға көмектесетін сіңірілмейтін көмірсулар. Алынған мәліметтер,сонымен қатар зерттеуге сүйене отырып, алма күнжарасы кондитер өндірісінде қолдану тағамдық құндылығы жоғары кекстің жаңа түрін алуға, кондитерлік өнімдердің ассортиментін кеңейтуге мүмкіндік береді деген қорытынды жасауға болады.