Parameters of adsorption of methylene blue on the magnetite-flask composite surface

1Әл-Фараби Казақ ұлттық университеті, Алматы, Қазақстан 2М. Әуезов атындағы Оңтүстік Қазақстан университет, Шымкент, Қазақстан *Е-mail: Gulnarkhank@gmail.com Элмор әдісімен магнетит және магнетит-опока композиті бөлшектері синтезделді. Магнетит бөлшектерінің опока құрылымына енуі ИҚ-спектроскопия және рентгенфазалық талдау әдістерімен негізделді. Композиттің ИҚ-спектрінде тербеліс жиілігінің 1402 см-1 мәнінде магнетиттің Fe-O байланысына сәйкес шыңдар табылды. Опока, магнетит және олардың композитініңдифрактограммаларын салыстыру магнетит-опока жүйесінің дифрактограммасында 2θ бұрышының 37,15; 43,37 мәндерінде Fe3O4 қосылысына тән шыңдар пайда болатындығын көрсетті. Сонымен қатар 2θ бұрышының 21,48 и 26,56 мәндерінде силикаттарды сипаттайтын шыңдардың бәсеңдеуі байқалды. Метилен көгінің опока, магнетит және магнетит-опока композитінің бетіндегі адсорбциясы зерттелді. Адсорбция нәтижелері Лэнгмюр және Фрейндлих бойынша өңделді. Бояудың опока, магнетит және магнетит-опока композитінің бетіндегі максималды адсорбциясы сәйкесінше 133,3 мг/г, 85,0 мг/г және 166,6 мг/г құрайтындығы көрсетілді. Адсорбция константасы да магнетит-опока композитінде ең жоғары мәнге иеленді. Лэнгмюр және Фрейндлих бойынша анықталған адсорбция параметрлері өзара жақсы үйлесіп, опока мен магнетит-опока композитін метилен көгінің адсорбенті ретінде қолданудың тиімдігін растайды.