KASANAYAN SA PASULAT NA FILIPINO NG MGA GURO SA JUNIOR HIGH SCHOOL SA PAMPUBLIKONG PAARALAN SA LUNGSOD SORSOGON

Natiyak sa pag-aaral na ito na malinang ang kasanayan sa pasulat na Filipino ng mga guro sa pamamagitan ng pagsasanay at mga gawaing pasulat para maunawaan na ang pagsulat ay isang gawaing may proseso at malaman ang iba’t ibang estratehiya sa pagsulat.Deskriptibong korelasyon ang ginamit ng mananaliksik sa paglikom ng datos. Ang mga kalahok ay binubuo ng 34 na guro na nagtuturo ng Filipino sa junior high school mula sa mga pampublikong paaralan sa Lungsod Sorsogon. Tatlumpo’t apat (34) na guro nagtuturo sa asignaturang Filipino ang mga kalahok. Ang pagsukat ng kasanayang pasulat ng mga guro, isang pagsusulit sa paraang pasulat ang ibinigay sa mga guro upang makuha ang mga impormasyong kailangan. Ang mga nalikom na datos ay inalisa, sinuri at binigyang interpretasyon gamit ang frequency count, percentage, at weighted mean.Ginamit ang random sampling sa pagpili ng mga kalahok.Ang mananaliksik ay gumamit ng talatanungan para sa propayl na naglalaman ng gulang, kasarian, haba ng pagtuturo, kursong natapos, at seminar na dinaluhan. Ang ikalawang bahagi ay ang pagsulat ng isang sanaysay. Ang mga nakalap na datos ay inalisa, sinuri at binigyan ng interpretasyon sa tulong ng nararapat na estadistika.Ang propayl ng mga guro na nagtuturo sa pampublikong paaralan sa Lungsod Sorsogon ay iba’t iba ayon sa gulang, kasarian, haba ng pagtuturo, kursong natapos, seminar na dinaluhan. Mataas ang kasanayang pasulat ng mga guro sa antas ng kasanayan sa nilalaman, organisasyon at mekaniks ng pagsulat at sa kabuuan ay mataas ang antas ng kasanayang pasulat sa Filipino ng mga guro sa Lungsod ng Sorsogon. Lumabas din sa pag-aaral na may kakulangan sa mga palihan na dinadaluhan ang mga guro partikular sa mga kasanayang pasulat. Ang lahat ng guro ay hikayatin at mabigyan ng pagkakataong makadalo sa mga palihan o pagsasanay sa Filipino na may kaugnayan sa mga kasanayang pasulat, maging sa pagbibigay ng pondo upang makadalo sa mga internasyunal, pambansa at panrehiyonal na palihan at pagsasanay sa Filipino. Bigyan ng pagkakataon ang mga bata o baguhang mga guro na maipadala sa mga palihan at mga pagsasanay na may kaugnayan sa paggawa ng mga sulatin at tamang pamamaraan ng pagsulat ng sanaysay.