Kultura zinematografiko bat sortzeko bide luzea: XX. mendeko euskal idazleak zinemaren aitzinean (1910-1980)

Artikulu honek, ikuspuntu historiko batetik, XX. mende hastapenetik 1980 arte euskal idazleek zinemari buruz idatzitako testuak aztertzen ditu deskriptiboki, euskaraz publikatutako liburu eta agerkarien azterketa xehea eginda. Lau arotan banatuta, beste askoren artean, «Kirikiño», «Batxi», Jean Etxepare, Larzabal, «Zerbitzari», «Luzear», «Aitzol», Mitxelena, Ibinagabeitia, Lete, Azurmendi, «Txillardegi», Izagirre edo Sarrionandiak zinemari buruz idatzi testuak hartu dira aintzat. Hala, kartografia zabala osatu da, bilakaera erakutsiz, mende hastapeneko gaitzespenetik 1970eko hamarkadan kultura zinematografiko baten sorrerarako oinarrietaraino.