XALQ TABOBATIDA QO‘LLANILADIGAN ARTEMIZININNING SUVDA ERUVCHAN HOSILALARI SINTEZI

Xalq tabobatida qadimdan qo‘llanilib kelingan bir yillik shuvoq (Artemisia annua L.) o‘simligi tarkibidan ajratib olingan artemizinin seskviterpen peroksilakton bo‘lib, asosan bezgak virusiga qarshi yuqori faolligi sabab uning turli hosilalari sintez qilingan. Lekin artemefir, arteefir kabi hosilalari suvda yaxshi erimasligi tufayli qo’llashda bir qancha qiyinchiliklar tug‘iladi. Tarkibida karboksil guruh saqlovchi artesunat va uning tuzlari esa suvda yaxshi eruvchan bo‘lib, u asosida ko‘plab dori vositalari yaratilgan. Ushbu maqolada artemizinindan digidroartemizinin va artesunat sintezi bo‘yicha olib borilgan tadqiqotlar natijalari keltirilgan.