INFLUENCE OF LOCAL STUDY ELEMENTS ON UNDERSTANDING THE SUBJECT OF MATHEMATICS

Білім беру жүйесіндегі бүгінгі күндегі өзгерістер Отандық тарихтан білім беруде оқытудың ғылыми және әдістемелік деңгейін көтеруді талап етеді. Туған жері мен елінің, халқының өткен өмірі мен бүгінгі тіршілігін оқытып үйрету оқушыларды азаматттық пен ұлтжандылыққа, Отанға деген сүйіспеншілікке тәрбиелейді, жеке тұлғаның дамуына септігін тигізеді. Өлкетану - бұл қоршаған әлемді қабылдауға, оқуға деген қызығушылықты қалыптастыруға және дамытуға негізделген оқушылардың білімін қалыптастыруға ықпал ететін тиімді құрал. Өз өлкесінің, қаласының, елінің табиғатын терең білу балалардың оқуын саналы етіп, олардың адамгершілік қасиеттерін тәрбиелеуге ықпал етеді. Бұл бағыттағы мұғалімнің жұмысы жүйелі түрде қайталанып, әр түрлі көрнекі материалдарды қолдана отырып, оқу және сыныптан тыс өлкетану жұмыстарының үнемі байланыста болған жағдайда ғана тиімді.Өлкетанудың оқу жоспары басқа пәндермен байланысын жүзеге асыра отырып, шығармашылық белсенділікті, экологиялық сананы, сондай-ақ бастауыш мектеп оқушыларының танымдық белсенділігі мен оқу білімдерін жандандыру қажеттілігін тиімді арттыруға болады. Математика сабақтарында өлкетану материалдарын қолдану оқушының дамуына ықпал етеді, жауапкершілікті, білім құмарлықты тәрбиелейді, туған өлкесінің тарихына қызығушылықты оятады және өз Отаны туралы білімдерін кеңейтеді, ал ең бастысы білімді практикада қолдану бойынша танымдық қызметті ынталандырады және жандандырады. Мақалада математика сабағында өлкетану элементтерін пайдалану мүмкіндіктері қарастырылады.