KƏLLƏDAXİLİ QEYRİTRAVMATİK QANSIZMALARDA NEONATAL ÖLÜM VƏ ONUN PREDİKTORLARI

Abstract

Tədqiqatın məqsədi kəllədaxili qeyritravmatik qansızmalar fonunda letallığın səviyyəsini və prediktorlarını müəyyən etmək olmuşdur. Tədqiqatın material və metodları. Hərtərəfli nevroloji və neyrosonoqrafik müayinə 996 yeni doğulmuş uşağı əhatə etmişdir. Kəllədaxili qeyritravmatik qanaxma diaqnozu təsdiqlənmiş uşaqlar reanimasiya şöbəsinə yerləşdirilib və milli klinik protokola uyğun müalicə olunmuşlar. Nəticələr. Neonatal ölüm hallarının statistik əhəmiyyətli artımı ilə əlaqəli olan prediktorları göstərilmişdir. Yekun. Perinatal Mərkəzdə kəllədaxili qeyritravmatikqansızmalardan əziyyət çəkən uşaqların ölüm göstəricisi 30,7±3,7% təşkil etmişdir. Kəllədaxili qeyritravmatik qansızmalarda letallıq çoxdöllü hamiləliklərdə doğulanlarda,hestasiya yaşının <32 həftə olanlarda, doğulanda durumu Apqar şkalası ilə 3 və az bal olanlarda, bədən kütləsi <1500 qram olanlarda, III və IV dərəcəli qansızmalarda izafi yüksəkdir.