Health benefits of soy beans and soy products: a review

Abstract

Sojabone is volop, ekonomiese dieetbronne van proteien. Tans word gefokus op die moontlike rol van sojabone in die voorkoming en behandeling van sekere degeneratiewe Westerse siektes soos hart- en bloedvatsiektes, osteoporose en sekere tipes kanker. Heel sojabone bevat 40% proteiene, terwyl sojameel, sojaproteienkonsentraat en geisoleerde sojaproteien respektiewelik 50%, 70% en 90% proteien bevat. Verskeie nie-nutrientbestanddele soos isoflavone, protease-inhibeerders, fitiensuur, saponiene en fitosterole kom in sojabone voor en is moontlik vir sekere van die voordelige gesondheidseienskappe van sojabone verantwoordelik. Die cholesterolverlagende effek van sojabone mag te danke wees aan die aminosuursamestelling daarvan, en/of verlaagde cholesterolabsorpsie of galsoutherabsorpsie, verhoogde laedigtheidlipoproteien-(LDL-) reseptoraktiwiteite, verlaagde lewercholesterolsintese, anti-oksidantaktiwiteit of verhoogde plasmatiroksienvlakke. Die nienutrientbestanddele van sojabone mag vir die cholesterolverlagende, antikarsinogeniese en beenversterkende effek verantwoordelik wees. Meer navorsing is nodig om die meganismes op te klaar waardeur sojabone en sojaprodukte die gesondheid van die mens beinvloed.