Parkinson xəstəliyi və əlaqəli xəstəliklər üzrə XIX Dünya kongresi

Abstract

Parkinson xəstəliyi və ümumiyyətlə ekstrapiramid sistemin xəstəlikləri nevrologiyanın aktual problemlərindəndir. Bu baxımdan ilk dəfə 1959-cu ildə ABŞ və Kanadanın Veteranlar Administrasiyasının təşkilatçlığı ilə Montrealda (Kanada) keçirilən Beynəlxalq Parkinson xəstəliyi Kongresi 50 ildən artıq zaman keçdiyinə baxmayaraq silsilə şəkildə indiki zamana qədər keçirilir. Əgər 1997-ci ilə qədər kongres hər üç ildən bir keçirilirdisə, həmin ildən başlayaraq hər iki ildən bir keçirilməyə başlanmışdır. İlk dəfə keçiriləndə kongresdə 30-40 dəvətli həkimlər, əsasən də neyrocərrahlar iştirak edirdilərsə, hal-hazırda yığıncaq iştirakçıların sayı 2000-3000 nəfəri əhatə etməklə, nevroloq, neyrocərrah, psixiatr, neyrofizioloq və digər sahələrin mütəxəssislərini bir araya gətirir.