Stress response of the autonomic nervous system on skydiving and freefall

Abstract

In hierdie studie is die effek van valskermspring en vryval, sowel as van visualisering, op die balans van die outonome senuweestelsel ondersoek. Die resultate toon ’n verskuiwing na simpatiese oorheersing in die balans van die outonome senuweestelsel tydens valskermspring en vryval. Hierdie verskuiwing was statisties betekenisvol in die geval van relatief onervare springers, maar nie in ervare springers nie. ’n Soortgelyke outonome stresrespons is ook geinduseer deur visualisering van die sprong in die laboratorium. Verdere studies is nodig om te bepaal of daar ’n verskil is in die mate waartoe die ervare en onervare springers die biologiese stresrespons deur visualisering kan induseer.