Espazioaren eta ibiliaren errepresentazioak Pello Lizarralderen bi eleberritan

Abstract

Artikulu honen helburua da Pello Lizarralderen bi eleberritako espazioa eta ibiliaren errepresentazioak aztertzea. Horretarako, Larrepetit (2002) eta Argiantza (2020) eleberrietan espazioaren hainbat osagaik –paisaiak, batik bat– duten presentzia eta eleberrietan behin eta berriro errepikatzen den ibiliaren gaia aztertu dira. Eleberrien analisi literarioa egin eta gero, osagai espazialak jorratu zein ibiliaren gaineko ekarpenak egin dituzten Doreen Massey, Nigel Thrift, Edward Soja eta Gilles Deleuze ikerlarien lanetara jo da, eta Teoria Ekokritikoa ere sostengu izan da. Azkenik, gaion errepresentazioari buruzko ondorioak eman dira.