Notas sobre a derivación regresiva no galego medieval

Abstract

Este artigo explora o fenómeno da derivación regresiva con base no Dicionario de afixos e voces afixadas do galego medieval, cuxo corpus textual está conformado por unha selección representativa de diversas obras do galego literario medieval. Así, no traballo, tras realizar unha breve caracterización teórica deste mecanismo de formación de palabras cos problemas de identidade gramatical que leva consigo dentro da afixación, debruzámonos sobre o estudo da produtividade das palabras derivadas regresivas no galego medieval.