Lizarrako gazteak: euskararen erabileran oinarritutako hiztun berrien profilak

Abstract

Lan honek bi helburu nagusi ditu: 1) Lizarrako gazteek euskara zenbat eta gehien/gutxien zein egoeratan erabiltzen duten ikustea eta 2) euskararen erabilera maiztasunaren eta muda linguistikoen arabera, hiztun berrien profil soziolinguistikoak ondorioztatzea. Horretarako, galdetegi bidez jasotako Lizarrako 36 gazteren erantzunak erabili ditugu. Emaitzei dagokienez, euskara gutxi erabiltzen duten arren, esparru euskaldunagoak garatu edota mudak gauzatu dituzten hiztunak, hiztun proaktiboak, identifikatu ditugu. Halaber, batzuek euskara beste batzuek baino gutxiago erabiltzen dute edo erabilera asko gutxitu dute (hiztun uzkurrak). Azkenik, gainerakoak profil epelaren barruan sartu ditugu.