Zergatik panpox: flâneusearen arrastoan

Abstract

Artikulu honek Zergatik panpox (1979) eleberrian espazioak dituen funtzio eta esanahiak aztertu ditu kritika feministaren ikuspuntutik. Euskal eleberrigintza urbanoaren hastapenetan, Urretabizkaiaren lehen nobelako emakumezko protagonistak hiria nola bizi duen analizatu da. Oinarri teoriko modura hartu dira espazio publikoaren eta pribatuaren bereizketa zalantzan jartzen duten teoriak, baita literatura urbano hegemonikoaren figura nagusiei buruzko ideiak ere. Hala, nobelan adierazten diren espazioak eta protagonistaren joan-etorriak elkarrizketan jarri dira flâneuraren zein flâneusearen teoriekin, eta ondorioztatu flâneusearen zantzuak aurki daitezkeela protagonistarengan.