Euskarazko elkarkari iragangaitzak: lexikoak ala sintaktikoak?

Abstract

Euskaraz, egitura elkarkari kanonikoak elkar anafora elkarkariaren bidez eratzen dira. Alabaina, badira elkarkari iragangaitzak ere, anaforarik gabe eraikitzen direnak. Artikulu honetan azken horien azterketa xehea egin dut eta proposatu dut horietako guztiak ez direla gramatikaren atal berean sortzen, Siloniren (2012) Hiztegiaren edo Sintaxiaren parametroan oinarrituz ikus daitekeenez. Horretarako, egile honek beste hizkuntza batzuetako elkarkariak aztertzeko erabili dituen ezaugarriak baliatu ditut. Ondorioztatu dudanez, euskaraz anafora gabe sortzen diren elkarkari asko sintaktikoak dira, baina elkarkari lexiko batzuk ere badaude.