Birformulatzaile urruntzaileak: euskarazko diskurtso-markatzaileen hiztegia osatzeko atariko azterketa

Abstract

Euskarazko diskurtso-markatzaileen hiztegia egiteko proiektu zabalago baten barruan kokatzen den lan honetan dena dela, dena den, edonola ere eta edozelan ere elementuei buruz ikuspegi ezberdinetatik egindako lanetan eskaintzen den informazioa aztertzen da. Birformulatzaile urruntzaileen sailean koka daitezkeela erakusteko ahalegina egiten da eta elementu horien artean dagoen baliokidetasuna aztertzen da. Horretaz gain aztertutako corpusak ematen duen informazioaz baliatuta, markatzaile horien hastapeneko ezaugarritze bat egiten da eta haien banaketari eta agerpenaren maiztasunari buruzko datuak eskaintzen dira.