Azərbaycan təhsilinin dünya təhsil sisteminə inteqrasiyasi və beynəlxalq standartlara uyğunlaşdirilmasi

Abstract

Respublikamızda bütün sahələrdə olduğu kimi təhsil sahəsində də uğurlu islahatlar davam etməkdədir. Azərbaycan təhsilinin dünya təhsilinə inteqrasiyası, beynəlxalq standartlara uyğunlaşdırılması, təhsilin bütün pillə və səviyyələrində mütərəqqi dünya təcrübəsindən istifadə edilməsi davamlı inkişafa xidmət edir. Maddi sərvətlərin insan kapitalına çevrilməsi kimi qlobal bir vəzifənin yerinə yetirilməsi, ilk növbədə, təhsilin bütün pillə və səviyyələrində yeni mexanizmlərin tətbiqini tələb edir. Cəmiyyətdə baş verən sürətli informasiya axını bilik və məlumatların da sürətlə dəyişməsi ilə nəticələnir. Ən mükəmməl qurulmuş təhsil sistemində belə əldə edilən biliklərin xeyli hissəsi zaman-zaman öz aktivliyini itirir. Ona görə də sürətlə dəyişən, qloballaşan dünyada, biliklərin, bacarıqların daim yeniləşməsinə, təkmilləşməsinə, dövrün tələbləri ilə uzlaşmasına ehtiyac duyulur. Bu baxımdan ictimai həyatın bütün sahələrində çalışan mütəxəssislərin, o cümlədən pedaqoji kadrların öz peşə biliklərini həm kəmiyyət, həm də keyfiyyətcə dəyişməsi, təkmilləşdirilməsi zəruri tələbata çevrilir. Cəmiyyətin intellektual potensialını, millətin gələcəyini formalaşdıran, dövlətin siyasətində ən aparıcı istiqamət hesab olunan, təhsil sahəsində çalışan pedaqoji kadrların fasiləsiz hazırlığına bu gün daha çox ehtiyac duyulur. Təcrübə göstərir ki, cəmiyyətin inkişafı təhsil sistemi da həlli vacib bir çox problemlər qoyur ki, onların reallaşdırılması məhz pedaqoji kadrların peşəkarlıq səviyyəsindən asılıdır.