Mewlûda Netemam ya Şêx Qutbedînê Korîkî: Awirvedanek li ser Taybetmendiyên Zimanî ya Metnê

Abstract

Wekî cureyeke edebiyata klasîk Mewlûd siyerên menzûm in û di edebiyatên gelên misliman de cihekî girîng digirin. Di Edebiyata Klasîk a Kurdî de jî vê cureyê bi Melayê Bateyî dest pê kiriye û nivîsandina van berheman îro jî dewam dike. Mewlûda Şêx Qutbeddîn Korikî jî yek ji van Mewlûdan e lê Korikî berhema xwe neqedandiye. Mewlûda wî xêncî malika dîsgotinê, serhev heştê û sê malik in. Ji bo ku nirxandina hêla edebî ya berhemên nivîskî tewtîbûnê dixwaze, ev xebat ji bilî hin agahiyên giştî yên derbarê edebiyata metnê, lêkolîna zimanê metnê dike mijar ku ew jî ji fonolojiyê bûyerên dengan, ji morfosentaksê jî hin mijarên serekî ne ku xusûsiyetên ast û şiyana zimên a şairî dinimînin. Bi vî şiklî tê armanckirin ku resmeke giştî ya şiyana şairî ya li ser zimanê wî, devoka wî û zanîna wî ya devokên kurmancî yên mayîn bê diyarkirin. Di encama vê lêkolînê de hat dîtin ku bûyerên dengan têkilî ladan û axaftina rojane ne, şair devokên curedar ên kurmancî dizane, di metna xwe de hêmanên morfosentaktîk bi hostayî bi kar aniye û bi vî awayî zimanekî belîx ê mewlûda xwe heye.