Vaxtından əvvəldə doğulanlarda nekrotik enterokolitin diaqnostik prediktorları

Abstract

Nekrotik enterokolit (NEK) vaxtından əvvəl doğulan (VƏD) və azçəkili yenidoğulmuşlarda rast gəlinən geniş yayılmış qastrointestinal xəstəlik olub, neonatal intensiv qulluq şöbələrində ölüm və xəstələnmə hallarının ən aparıcı səbəblərindəndir [1]. NEK-in rastgəlmə tezliyi çox az çəkili uşaqlarda 3-15% arası dəyişir, ölüm faizi isə yüksək olub, 15-30% arasındadır [2].Son onilliklər ərzində NEK-in əmələ gəlməsində yüksək risk faktorları sayılan az çəkili VƏD-ın sağ qalması hesabına xəstəliyin rastgəlmə tezliyi artmışdır [3]. Burada xəstəliyin törəməsi üçün bağırsaqlarda şərait həm onun morfoloji yetkin olmaması, həm də selikli qişa və onun altındakı qatlarda qanla pis təchizat nəticəsində işemik sahələrin əmələ gəlməsidir [4].