A dobre crise da prensa en papel e o camiño cara a súa recuperación: evolución económica do sector en Galiza (2008-2018)

Abstract

Este traballo trata a evolución económica recente do sector da prensa impresa en Galiza. Alén da crise económica xeral de 2008, o sector sufriu a súa propia crise estrutural provocada pola emerxencia da Internet. Para estudar o impacto desta dobre crise e a resposta das empresas do sector, realizamos unha análise económica-financeira dunha mostra de 13 empresas galegas editoras de xornais en papel durante o período 2008-2018, centrándonos na rendibilidade e nas súas principais compoñentes. Os resultados mostran unha caída da facturación que se prolonga durante todo o período, incluída a fase de crecemento económico, síntoma do declive do papel como soporte xornalístico. Porén, tras unha etapa de crise marcada por rendibilidades negativas, as empresas conseguiron recuperarse grazas a un axuste no volume de activos totais e nos custes operativos máis intenso que a caída experimentada polas vendas, tornando máis pequenas e máis eficientes.