Álvaro Cunqueiro e o misterio Mac Calvert

Abstract

Álvaro Cunqueiro citou en diversos artigos un poema sobre San Martiño de Tours do poeta católico estadounidense Phillips ou Phyllis Mac Calvert, tirado do poemario deste autor Saints whitout tears. Tamén traduciu ao galego catro poemas deste poeta. En realidade, tal poeta nunca existiu: é un dos 42 poetas inventados polo escritor. Mais si existiu unha poeta católica norteamericana chamada Phyllis McGinley, estadounidense e católica, e autora dun libro de poemas titulado Saints without tears, en que se inclúe un poema sobre San Martiño de Tours. Coñeceu Álvaro Cunqueiro o libro, ou o poema, desta poeta? Onde puido lelo? E se foi así, por que lle cambiou o apelido? Por que persistiu no erro durante anos? Ou foi simplemente un lapsus linguae? Ou unha broma literaria?