SƏNAYE MÜƏSSİSƏLƏRİNDƏ DAVAMLI İNKİŞAFIN EKO-İQTİSADİ MEXANİZMLƏRİ

Abstract

Son zamanlar respublikada istehsal sektorunun iqtisadi cəhətdən səmərəli davamlı inkişafı üçün şərait yaratmaqdan ibarət olan iqtisadi inkişaf konsepsiyası getdikcə daha geniş yayılmışdır. Bu konsepsiyanın əsas istiqaməti, müəssisələr səviyyəsində iqtisadi proseslərin idarə edilməsinin səmərəliliyinin artırılması, eləcə də onların davamlı mütərəqqi inkişafına şərait yarada bilən ixtisaslaşmış mexanizmlərin formalaşdırılmasıdır. Məqalənin məqsədi davamlı inkişaf mexanizminin məzmununu ortaya çıxarmaqdır. Məqalədə yerli və xarici müəlliflərin əsərlərinin tədqiqi sayəsində davamlı inkişaf mexanizminin komponentləri müəyyən edilib. Açar sözlər: davamlı inkişaf, eko-iqtisadi mexanizm, ətraf mühit, iqtisadi ekologiyalaşdırma.