MADANIYATLARARO KOMMUNIKATSIYA KONTEKSTIDA INTERNET JURNALISTIKA TARAQQIYOTI

Abstract

Maqolada internet jurnalistika mazmun-mohiyati, uning ilm-fan sifatida shakllanishi va o‘z rivojlanishi mobaynida madaniyatlararo kommunikatsiyaning mazmuni hamda miqyosiga ta’siri masalalari keng tahlilga tortilgan. Internet jurnalistikaga nisbatan xorijiy va mahalliy olimlarning ilmiy-nazariy qarashlari turli manbalar asosida tadqiq etilgan. Suningdek, internet jurnalistikaning ilmiy-nazariy asoslari taraqqiyoti, uning bugungi sifat jihatidan yangi bosqichlari o‘rganilgan. Ayniqsa, internet tarmog‘i jahon hamjamiyatini yagona virtual makonga birlashtirib, axborot olish va tarqatishning eng tezkor ommaviy vositaga aylantirgani borasida qiziqarli ma’lumotlar ham berilgan. Аxborot kommunikatsiya texnologiyalarining misli ko‘rilmagan darajada rivoji, anʼanaviy texnika o‘rnini raqamli format egallashi jurnalistikaning taraqqiyotiga bevosita ijobiy taʼsir ko‘rsatishi, axborotni tez, sifatli tarzda to‘plash, uni qayta ishlash, tarqatish, ayniqsa, ovoz, matn, foto va video hamohangligida auditoriyaga taqdim etishning yangi ko‘rinishlari ilmiy-nazariy jihatdan dalillangan. Bugungi kunda keng qo‘llanilayotgan “interfaol jurnalistika”, “noanʼanaviy OАV” atamalari bilan birga, “onlayn jurnalistika”, “elektron jurnalistika”, “internet jurnalistika” kabi istilohlar xususida ham ma’lumotlar keltirilgan. Shu bilan birga, maqolada G‘arb va Sharq tadqiqotchilari internet jurnalistikasi atamasiga nisbatan “online journalism”, rus nazariyotchilari “tarmoq jurnalistikasi” yoki “internet jurnalistikasi” hamda mahalliy olimlar “onlayn” yoki “internet jurnalistika” atamalarini qo‘llagani aniqlangan.