“ISKANDAR PODSHO” QISSASI — ISKANDAR HAQIDAGI XALQONA ASAR

Abstract

Maqola shu kungacha maxsus o‘rganilmagan “Iskandar podsho” qissasi tadqiqiga bag‘ishlangan. An’anaviy muqaddimadan keyin kelgan “Dorob haqida”gi bir hikoya bilan boshlangan ushbu asardagi barcha hikoyalarning voqealari mavzulashtirilgan, ya’ni Iskandar sarguzashtiga oid masalani yoritishga bag‘ishlangan. Har bir turkum hikoya doston deb nomlangan. Asarda bitta nomlanmagan hikoyadan (dostondan) tashqari, to‘qson yettita doston keltirilgan. Mumtoz adabiyotida Iskandar nomi bilan bog‘liq ko‘plab asarlar mavjud va ularda Iskandarning olamshumul jasorati, oqil-u donoligi madh etilgan. Ushbu asar ham Iskandarning fazilatlarini madh etuvchi asarlardan biridir. Muallif maqolada ushbu “Iskandar podsho” deb nomlangan qissasning syujet yo‘nalishi, obrazlari va ifoda usuli haqida ma’lumotlarni taqdim etadi, zarur o‘rinlada ularni umumiy planda talqin va tahlil qiladi.