Recenzo pri nova eldono de studo pri la persekutoj kontraŭ Esperanto verkita de Ulrich Lins

Abstract

La recenzata verko havas sian historion. Ĝia unua eldono estis broŝuro publikigita en 1973 de la eldonejo l’omnibuso en Kioto. Unu jaron poste ĝi aperis kiel ĉapitro 21 en la verko Esperanto en perspektivo (Lapenna k.a. 1974). En 1975 aperis traduko en la japanan fare de Kurisu Kei kaj publikigita de la prestiĝa eldonejo Iwanami en Tokio. Ĝi eldoniĝis kiel memstara verko en Esperanto (1988a), tradukiĝis kaj eldoniĝis en la germana (1988b), la itala (1990b), la rusa (1999), la litova (2005) kaj la korea (2013). En 2015 aperis nova reviziita eldono, kies angla traduko baldaŭ estos eldonita.