CED 70-jara: Vojo, bilanco, perspektivoj

Abstract

Fondita en 1952, la Centro de Esploro kaj Dokumentado pri Mondaj Lingvaj Problemoj (CED) evoluis el sia komenca celo, liveri faktojn kaj analizojn subtene al la internacia lingvo Esperanto, al multfl anka esplorinstituto pri lingvo-planado kaj lingvo-mastrumado en monda kunteksto. Ŝlosila periodo estis la lastaj du jardekoj de la 20-a jarcento, kiam diversaj periodaĵoj kaj konferencoj helpis krei kaj aktivigi internacian reton de esploristoj pri esperantologio kaj interlingvistiko. Tio kredeble kontribuis al la kreskanta akcepto de Esperanto kiel inda esplorobjekto en diversaj disciplinoj; aliflanke, ankoraŭ ne realiĝis la pli vasta celo, ke multlingveco ricevu taŭgan atenton en la aliroj de la ŝtatoj kaj la interŝtataj organizoj al daŭripova evoluigo, homaj rajtoj, kaj simile. CED plu aŭspicias kaj subtenas esplorojn sur tiu tereno, samtempe serĉante solvojn al diversaj daŭraj defi oj en la faka pritraktado de Esperanto, interalie la konservado kaj alirebligo de kolektoj kaj la analizado kaj evoluigo de la faka lingvaĵo en la kadro de la internacia terminoscienco.