AZƏRBAYCANDA MÜQƏDDƏS MƏKANLARIN MUZEYƏ ÇEVRİLMƏSİ HAQQINDA

Abstract

Strateji cəhətdən Qafqazın ən önəmli mərkəzi olan, İpək yolunun ana xətlərindən birinin keçdiyi Azərbaycan insanın yaşaması üçün lazımı və vacib olan qaynaqların bol olduğu və bu bölgəni hər zaman diqqət mərkəzi  halına gətirən məkanlardandır. Bölgədə müxtəlif dövrlərdə inşa olunan İslama qədər və İslam memarlıq abidələri Azərbaycan coğrafiyasının insanlıq tarixinin önəmli maddi-mədəni irsinin ortaya çıxmasına və təbliğinə sahib olduğunu təsdiqləməkdədir. Azərbaycanın tarixən tolerant bir dövlət olması  və bu ərazidə yaşayan müxtəlif xalqlara və dinlərə mənsub insanların məmləkətimizə pənah gətirməsinin əsas səbəbi bu ölkədə yaşayan insanların mədəniyyəti və onların xarakterik keyfiyyətinə çevrilmiş tolerantlıq xüsusiyyətidir. Azərbaycanda tarixən zərdüştlük kimi çoxallahlı dinlərlə yanaşı, islam, xristianlıq və yəhudilik kimi təkallahlı dinlər də olmuşdur.