AZƏRBAYCANDA MÜASİR QİYMƏTLİ KAĞIZLAR BAZARININ FORMALAŞMASININ SİYASİ ƏSASLARININ TƏHLİLİ

Abstract

Hər bir cəmiyyətin və ölkənin maliyyə sistemində qiymətli kağızlar bazarı olduqca vacib rol oynayır. İqtisadi subyektlərin maliyyə xidmətlərinə çıxışının təmin edilməsi müasir milli iqtisadiyyatın inkişafı üçün önəmli faktorlardan biridir. Maliyyə resurslarına çıxışın əldə edilməsində qiymətli kağızlar bazarının rolu qaçılmazdır. Qeyd etmək lazımdır ki, Azərbaycanda qiymətli kağızlar bazarının formalaşması və uğurlu fəaliyyəti ölkənin iqtisadiyyatının inkişafı və artımı üçün olduqca vacib olan iqtisadi amillərdən biridir. Azərbaycan qiymətli kağızlar bazarının inkişafını təhlil etdikdə görmək olur ki, başqa ölkələr ilə müqayisədə Azərbaycan qiymətli kağızlar bazarı olduqca cavandır. Buna baxmayaraq qeyd etmək lazımdır ki, ölkəmizdə son illərdə sürətli iqtisadi artım və Azərbaycan Respublikasının prezidenti İlham Əliyev tərəfindən uğurla aparılan struktur islahatlar bu sahənin inkişafı üçün vacib siyasi əsaslar formalaşdırmışdır. Bundan başqa, iqtisadi diversifikasiya və qeyri-neft sektorunun inkişafı üçün ölkə rəhbərliyi tərəfindən aparılan islahatlar bu sahənin inkişafı istiqamətində bir sıra fundamental əsasları formalaşdırmışdır. Qiymətli kağızlar bazarının formalaşmasının siyasi əsasların təhlil etdikdə qeyd etmək vacibdir ki, Azərbaycan Respublikası Prezident İlham Əliyev 2011-ci ildə “2011-2020-ci illərdə Azərbaycan Respublikasında qiymətli kağızlar bazarının inkişafı” Dövlət Proqramının təsdiq etmişdir ki, bu proqramda bu sahənin inkişafı üçün olduqca vacib rol oynamışdır. Azərbaycanın bu sahədə qarşısında duran əsas məqsədlər bu sahədə bazar iştirakçılarının sayının artırılması, qiymətli kağızlar bazarında likvidliliyi artırmaq və bundan başqa, əməliyyatların icrasında şəffaf və korporativ prinsiplərə əsaslanan dəyərlərin formalaşdırılması durur. Məhz bu istiqamətdə aparılan işlər bu sahədə ciddi inkişaf üçün əsaslar formaşdırmışdır. Son illərdə sektorun inkişafı istiqamətində aparılan ciddi nəaliyyətlərə bazar haqqında məlumatlılığı artırmaq, sektorun əsas faydalarının bazarın əsas oyunçularına izahı və Bakı Fond Birjasının Listinq Məsləhət Proqramının təqdim edilməsidir. Bu məqalədə Azərbaycanda müasir qiymətli kağızlar bazarının formalaşmasının siyasi əsasları təhlil edilmişdir və Azərbaycanın qiymətli kağızlar bazarının əsas siyasi əsasları müəyyənləşdirilmişdir. Qeyd edilir ki, məhz Prezident İlham Əliyev tərəfindən aparılan iqtisadi islahatlar bu sahənin inkişafında olduqca vacib rol oynamışdır. Açar sözlər: qiymətli kağızlar bazarı, Azərbaycan, iqtisadi artım, iqtisadi islahatlar.