Grava verko de la kreinto de Novial: Recenzo de la verko de Otto Jespersen, Meine Arbeit für eine internationale Sprache

Abstract

Profesoro Otto Jespersen (1860-1943) estis famkonata dana lingvisto. Li estis membro de la Dana Akademio de la Sciencoj kaj de pluraj akademioj kaj sciencaj asocioj tra la mondo, honora profesoro de kelkaj usonaj kaj eŭropaj universitatoj. Lia bibliografio entenas 825 publikaĵojn. Liaj verkoj A Modern English Grammar on Historical Principles (unue eldonita en 1922) kaj Growth and Structure of the English Language (unue eldonita en 1905) estas ĝis nun mondvaste konsultataj. Respektata estas ankaŭ lia holisma teorio pri la ekesto de la homa lingvo. Al la ĝenerala lingvistiko Jespersen plue kontribuis per la teorio pri rango kaj plektaĵo kaj la koncepto de kunteksto. Krome li famiĝis kiel kunfondinto de la International Phonetics Association.