Zbigniew Galor: Esperantista sociologo (1952-2017)

Abstract

La konata esperantista sociologo Zbigniew Galor forpasis la 27-an de januaro 2017 en Poznano (pole Poznań). Li naskiĝis la 16-an de julio 1952 en Szczecin (Ŝĉeĉin) en nord-okcidenta Pollando. Mi havis eblecon koni lin dum pluraj jaroj, kaj ni kune planis kaj realigis sociologian esploron inter la kongresanoj de la Universala Kongreso en Bjalistoko en 2009 post la kongreso eĉ pli da personoj respondis al nia enketilo. La rezultoj aperis en la libro UEA en konscio de esperantistoj (2015), kiun ni kune verkis. Zbigniew, ankaŭ konata kiel Zbyszek, estis unu el malmultaj esperantistaj fakuloj en sociaj sciencoj kiuj havis profesiajn kvalifikojn kaj estis rekonata ankaŭ ekster esperantistaj rondoj.