O mito na narrativa de Álvaro Cunqueiro

Abstract

A presenza de tramas e personaxes mitolóxicos na obra, sexa narrativa ou poética, de Álvaro Cunqueiro, é constante: o autor reinterpreta mitos tanto clásicos como historias tomadas do folclore árabe ou da materia de Bretaña. A crítica tendeu a sinalar o proceso de parodia e desmitificación ao que Cunqueiro somete estes elementos, mais isto non supón en ningún caso unha desvalorización do mito. Ao contrario, facendo un uso posmoderno da parodia e do humor, consigue transformar a materia mítica cun resultado de grande orixinalidade, ao tempo que establece unha relación entre as súas novelas e obras antigas nas que xa aparecían elementos humorísticos e realistas.