Crónica llexislativa d’Asturies. Segundu semestre del añu 2022

La presente crónica recueye les principales novedaes normatives, alministratives y polítiques en materia llingüística producíes na Comunidá Autónoma del Principáu d’Asturies ente los meses de xunetu y avientu de 2022, con atención especial a les normes xurídiques y resoluciones alministratives publicaes nel BOPA (Boletín Oficial del Principado de Asturias). Rescampla especialmente nesti semestre la publicación de los decretos qu’aprueben los currículos d’Educación Infantil, Primaria, ESO y Bachilleratu, anque malapenes introducen novedaes na enseñanza del asturianu y del gallego-asturianu.