Persbectifau amlieithog: paratoi ar gyfer dysgu ieithoedd yn y cwricwlwm newydd i Gymru

Abstract

Bydd yr erthygl hon yn edrych ar y lle ar gyfer dysgu ieithoedd yn y Cwricwlwm i Gymru newydd a’r gwerth sydd mewn dull ac ethos amlieithog. Ar ddechrau’r erthygl, amlinellir y cyd‐destun hanesyddol i addysgu ieithoedd tramor modern yn y Deyrnas Unedig. Wedyn trafodir y cyd‐destun i ddysgu ieithoedd yng Nghymru, gan ganolbwyntio ar strategaeth bum mlynedd Llywodraeth Cymru Dyfodol Byd‐eang ar gyfer ieithoedd tramor modern (2015–2020). Bydd yr erthygl yn gwerthuso llwyddiant y strategaeth ieithoedd hon o ran delio â’r cyfraddau gadael cyn gorffen ar gyfer ieithoedd tramor modern mewn ysgolion yng Nghymru. Bydd yr erthygl wedyn yn dadansoddi’r rhagdybiaethau am ddysgu ieithoedd yn y Cwricwlwm Drafft i Gymru 2022, a welir ym Maes Dysgu a Phrofiad Ieithoedd, Llythrennedd a Chyfathrebu sy’n cynnwys y Gymraeg, Saesneg ac ieithoedd rhyngwladol. Bydd yr erthygl hon yn dadlau bod yr ad‐drefnu hwn yn cynnig man cychwyn unigryw ar gyfer creu partneriaeth barhaus, drwy gydweithio rhwng cymunedau addysgu a dysgu ieithoedd sydd wedi bod ar wahân yn hanesyddol. Yn olaf, bydd yr erthygl hon yn rhoi sylw i brosiect mentora ieithoedd tramor modern sy’n enghraifft o ddull amlieithog o ddysgu ieithoedd. Ar y diwedd, bydd yr erthygl hon yn dadlau o blaid ailfeddwl yn uchelgeisiol am y ffordd rydym yn addysgu ieithoedd, yn synio am hynny ac yn ei drysori yng Nghymru’r unfed ganrif ar hugain.